Բուլղարիայի Սամոկով քաղաքում  ավարտվեց Եվրոպայի հունահռոմեական ըմբշամարտի պատանեկան առաջնությունը: Հայաստանի մարզիկներից Երևանի օլիմպիական մարզական քոլեջի սովորող, հրազդանցի Արմեն Սուքիասյանը / 55 կգ /  գրավեց երկրորդ, էջմիածինցի Գասպար Տերտերյանը / 51 կգ / ՝ երրրոդ տեղը, իսկ նրանց երեք  թիմակիցներ դարձան հինգերորդ մրցանակակիր, թեև  մեր գրեթե  բոլոր ըմբիշներն էին արժանի դառնալ մեդալակիր: Թիմային պայքարում  Հայաստանի պատվիրակները վեցերորդն էին:

Առաջնությանը մասնակցեցին հին աշխարհամասի 24 երկրների  մարզիկներ:

ՀՀ հավաքականի ավագ մարզիչ, վաստակավոր մարզիչ Գագիկ Խաչատրյանն ասաց, որ մրցավարությունը կարծես թուրք-ազերական հանձնախումբ լիներ: Երկրրոդը ճանաչված Արմեն Սուքիասյանին  կարելի է համարել չեմպիոն: Բայց, ազերի մրցակցի հետ նրա գոտեմարտը պարզապես << կերան >> թուրքերը:

Մարզաձևի ՀՀ ֆեդերացիան կբողոքարկի եվրոպականին: Ճիշտ է, արդյունքը չի փոխվի, բայց դա գոնե ահազանգ  կդառնա հետագա մրցաշարերում  երկրները ներկայացնող մրցավարների աշխարհագրությունն ընդլայնելու , նրանց զգաստացնելու համար: