Հնարավոր է, որ լեռնադահուկային  ալպինիզմը  ներառվի Ֆրանսիական << Ալպեր -  2030  >>  ձմեռային օլիմպիական խաղերի ծրագրում: Առաջարկը, որը կատարել է միջոցառման կազմկոմիտեն,  պետք է հաստատվի  առաջիկայում նախատեսված  ՄՕԿ –ի   նստաշրջանում:

Հաստատումից հետո կքննարկվեն ծրագրերին,  մարզիկների քվոտաներին վերաբերող   և մասնագիտական  այլ հարցեր՝  հաշվի առնելով  << Միլան Կորտինա - 2026 >> -ի  փորձը:

Մարզաձևը լիովին համապատասխանում է << Ալպեր – 2030 >>  –ի տեսլականին.  իսկական լեռնային միջավայր՝ նվազագույն ենթակառուցվածքներով,  գրավիչ և մատչելի մրցութային ձևաչափեր, որոնք ոգեշնչում են լայն լսարանին, մասնավորապես՝ երիտասարդ սերնդին։

Եթե ՄՕԿ  -ի նստաշրջանը  հաստատի առաջարկը, ապա դահուկային լեռնագնացությունը երկրորդ անգամ կներառվի օլիմպիական ծրագրում, քանի որ նորամուտը որպես լրացուցիչ մարզաձև,  կայացել է  << Միլան Կորտինա  - 2026 >>  ձմեռային  մարզահանդեսում:

Նշած գործընթացը  հիմնված է ՄՕԿ –ի  << Օլիմպիական օրակարգ 2020+5 >>  սկզբունքների վրա: