<< Փարիզ – 2024 >>  ամառային օլիմպիական խաղերի անցկացման  հարցը կարող է վերանայվել: Քաղաքի մի  շարք պաշտոնյաներ կոչ են անում հանրաքվե անցկացնել՝  մրցումները չեղարկելու  կամ հետաձգելու հարցով: Նման առաջարկների պատճառը կորոնավիրուսի համաճարակի հետևանքով առաջացած տնտեսական ճգնաժամն է:

Խաղերի կազմկոմիտեն խոստացել է  կրճատել ծախսերի մի մասը, բայց սպորտի նախարար Ռոքսանա Մարասինյանուն կարծում է, որ դրանք  միայն կավելանան: 

Մինչ Փարիզի քաղաքական գործիչները  քննարկում են  հանրաքվեի կազմակերպման հնարավորությունը, կազմկոմիտեի ղեկավար Թոնի Էստանգը խոսել է ի պաշտպանություն   խաղերի անցկացման: Արագընթաց թիավարությունից  օլիմպիական եռակի  չեմպիոնը կարծում է, որ մրցումները  միայն կօգնեն  Ֆրանսիայի տնտեսությանը: Նա համաձայն է, որ պետք է որոշակի  փոփոխություններ կատարվեն։

Նախկին մարզիկը խոստանում է  խնայել   միլիոնավոր եվրոներ, որի արդյունքում կկրճատվեն տրանսպորտի, հյուրերի և անձնակազմի համար նախատեսված գումարները:

Ամենածախսատարը ջրային նոր կենտրոնի կառուցումն է։ Այլ  խոշոր համալիրների ստեղծում  չի նախատեսված, քանզի դրանք կան և, բացի այդ,  կօգտագործվեն նաև  ժամանակավոր կառույցներ։