Հայաստանի ֆուտբոլի չեմպիոն և գավաթակիր «Նոան» Կոնֆերենցիաների լիգայի անցումային փլեյ-օֆֆի պատասխան խաղում  երեկ հյուրընկալվեց Հոլանդիայի «ԱԶ Ալկմարին»։

Մեր  թիմը պարտություն կրեց 0:4 հաշվով:

Նշենք, որ մրցակիցների առաջին հանդիպումն ավարտվել էր «Նոայի» հաղթանակով՝ 1:0:

Երկու խաղերի արդյունքում, չեմպիոնների լիգայի 1/8 եզրափակիչում, պայքարը կշարունակի  «ԱԶ Ալկմարը»:

«Նոան» ավարտեց իր  եվրագավաթային ճանապարհը: Սակայն պետք է նշել, որ թիմը նոր էջ գրեց   հայկական ֆուտբոլի պատմությունում:

«Նոայի»  գլխավոր մարզիչ Սանդրո Պերկովիչը երեկվա խաղի ավարտից հետո  շնորհակալություն է հայտնել իր ֆուտբոլիստներին ու  երկրպագուներին՝ աջակցության ու նվիրվածության համար: Նա նաև  ափսոսանք  է հայտնել կրած պարտության պատճառով:

Պետք է ընդգծել, որ հայաստանյան ակումբների, մասնավորապես ՝ «Նոայի» հաջող ելույթների շնորհիվ ՈՒԵՖԱ-ի գործակիցների   աղյուսակում  ամրապնդվել ենք 33-րդ հորիզոնականում:

Այսպիսով «Նոան» 2027/28 մրցաշրջանում պայքարը կսկսի  Եվրոպա լիգայի որակավորման առաջին փուլից: