Երևանում փետրվարի ութին զուգահեռաբար կսկսվեն Հայաստանի մեծահասակ և երիտասարդ բռնցքամարտիկների մասնակցությամբ առաջնությունները:

Հերթափոխի կանգնած տղաներն այնուհետև երիտասարդականի ավագ մարզիչ Կարեն Աղամալյանի ղեկավարությամբ տասնօրյա ուսումնամարզական հավաք կանցկացնեն: Կհաջորդի Բանգկոկում / Թաիլանդ / մարտի ութին մեկնարկող  մինչև 19 տարեկանների մասնակցությամբ աշխարհի գավաթի վարկանիշային  խաղարկությունը: Դա  World Boxing-ի հովանու ներքո մեր թիմի մասնակցությամբ առաջին մրցաշարն է: Այն կարևոր է այնքանով, որ աչքի ընկածները իրավունք  կստանան  հանդես գալ  նոյեմբերի մեկին  Դաքարում մեկնարկող պատանեկան օլիմպիական խաղերում: