Ապրիլի 13 –ին Մոլդովայի մայրաքաղաք Քիշնևում իրենց մրցավեճը կսկսեն Եվրոպայի առաջնությունը վիճարկող ծանրորդները: Անշուշտ, մեդալների համար մրցավեճին տոն կտան երկաթախաղի հայաստանցի վարպետները: Նրանք նպատակ ունեն շարունակել մարզաձևի  հայրենական դպրոցի բարի ավանդույթները:

Հավաքականի գլխավոր մարզիչ Փաշիկ Ալավերդյանը, իր օգնական Հալոբ Փիլոսյանի հետ, մրցաշրջանի առաջին ուսումնամարզական հավաքը  կազմակերպեցին հունվարին ՝ մայրաքաղաքի Օլիմպավանում: Դրան հաջորդեցին Երևանում տեղի ունեցած ՀՀ առաջնությունը, իսկ այսօրվանից ՝ Ծաղկաձորում սկսված ուսումնամարզական հերթական հավաքը:

Մարզչական խորհուրդը մարզումներում ներգրավել է  Ռաֆիկ Մինասյանին /  Գյումրի, 61 կգ /, Գառնիկ Չոլակյանին / Վեդի,  61 կգ /, Գոռ Սահակյանին / Գյումրի, 73 կգ /,  Ռաֆիկ Հարությունյանին /  Գյումրի, 81 կգ /,  Սուրեն Գրիգորյանին / Վեդի, 89 կգ /, Մնացական Աբրահամյանին / Արարատ, 89 կգ / Դավիթ Հովհաննիսյանին / Երևան, 96 կգ / Արա Աղանյանին / Գյումրի, 102 կգ /, Պետրոս Պետրոսյանին / Արարատ, 109 կգ /, Գարիկ Կարապետյանին / Գյումրի, 109 կգ / և Վարազդատ Լալայանին / Գյումրի, + 109 կգ /:

Ծաղկաձորյան մարզումներից մի քանի օր  հետո կսկսվի հերթական ուսումնամարզական հավաքը: