Ծանրամարտի միջազգային ֆեդերացիայի / IWF /  պատվիրակությունը այցելել է Փարիզ: Նրանք  հանդիպել են օլիմպիական խաղերի կազմակերպիչների հետ:  Քննարկվել են  միջոցառման նախապատրաստական, տրանսպորտին, ծանրամարտի մրցումների կազմակերպման, պարգևատրության, մարզումային հարմարություններին, հավատարմագրման ընթացակարգերի, ենթակառուցվածքների, թեստային միջոցառումների,  տոմսերի տրամադրման ծրագրերի վերաբերյալ հարցերը:

Երկօրյա այցի ավարտին IWF-ի ներկայացուցիչները եղել  են  նաև ծանրամարտի մարզասրահում:

Այցելուները դրական են  գնահատել նախապատրաստական աշխատանքները:

120 ծանրորդներ կմասնակցեն  10 քաշային կարգերում  ( հինգը՝ տղամարդկանց, հինգը՝ կանանց): Արդեն տեղի է ունեցել վարկանիշային  վեց մրցաշար:

Հաջորդ որակավորման փուլը կլինի 2023թ. աշխարհի առաջնությունը, որը կանցկացվի Սաուդյան Արաբիայի մայրաքաղաք Էր Ռիադում ՝  սեպտեմբերի 4- 17-ը։