ՄՐՑԵՑԻՆ ԳԵՂԱՍԱՀՈՐԴՆԵՐԸ

10:47 - 11 Հուն, 2021

Երևանի քաղաքապետարանի գեղասահքի մարզադպրոցում անցկացվեց Հայաստանի առաջնությունը: Տնօրեն Մելինե Ավագյանը զրույցի ժամանակ ասաց, որ այն կարելի է նաև բաց մրցաշար անվանել, քանզի մասնակցեցին նաև Մոսկվայի ներկայացուցիչները: Նրանց թվում կային տարիքային տարբեր խմբեր ներկայացնող պարային զույգեր և մենասահորդներ: Այդ հանգամանքը խթանեց մրցակցությանը, սա էլ իր հերթին ՝ տանտերերի մրցափորձի հարստացմանը և վարպետության աճին:

Ասենք նաև, որ գեղասահքի հանրապետական ֆեդերացիայի /  նախագահ Մելանյա Ստեփանյան /  նախաձեռնությամբ առաջնությունը նվիրվեց բոլորովին վերջերս կյանքին հրաժեշտ տված Արմինե Հայրապետյանի հիշատակին: Նա անվանի մարզիչ  Սամվել  Հայրապետյանի տիկինն էր և մեր լավագույն մենասահորդ Սլավիկ Հայրապետյանի մայրը:

Տարիքային տարբեր խմբեր ներկայացնող ավելի քան 90 մարզիկ- մարզուհիներ մասնակցեցին մրցությանը: Իսկ Հայաստանի չեմպիոններ դարձան մենասահորդներ Սլավիկ Հայրապետյանը, մոսկվացի Վալերիա Սիդորովան և  Վիկտորիա Ազրոյան-Արթուր Գրուզդև պարային զույգը:

Երիտասարդների մրցավեճում լավագույնն էին մենասահորդ  Սեմյոն Դանիելյանցը և  Ալիսա Կորնևա-Էդվարդ Տեր-Ղազարյան պարային զույգը:

 

 

 

Այլ նորություններ