Մինսկ-2019. ՀԱՕԿ նախագահ Գագիկ Ծառուկյանը հանդիպեց հայ մարզիկներին

15:05 - 23 Հուն, 2019

 ՀԱՕԿ նախագահ Գագիկ Ծառուկյանը հունիսի 23-ին Բելառուսի մայրաքաղաք Մինսկում ընթացող Եվրոպական խաղերի մարզիկների ավանում հանդիպել է Հայաստանի պարվիրակության և մարզիկների հետ։

Հայաստանի պատվիրակության ղեկավար Արմեն Գրիգորյանը ներկայացրեց, թե ինչպես է անցնում մարզիկների առօրյան ավանում, ինչպես են մարզվում ու պատրաստվում մրցաշարերին։

Գագիկ Ծառուկյանը ողջունեց մարզիկներին եւ հետաքրքրվեց, թե արդյոք կան խնդիրներ կամ չլուծված հարցեր:

«Հույս ունեմ, որ մենք մեդալներով կվերադառնանք Հայաստան՝ հաղթական և շատ ուրախ։ Տեղյակ եմ, որ ամեն ինչ լավ է ընթանում։ Սա զուտ օրակարգային հանդիպում չէ, ցանկանում եմ անկեղծ ասեք, որ եթե կան որոշ խնդիրներ, լուծենք»,- խոսքը եզրափակեց Գագիկ Ծառուկյանը։

ՀԱՕԿ նախագահը նշեց նաև, որ հետևում է մարզիկների ելույթներին և նրանց կողքին է ցանկացած պահի։

Մարզիկներն էլ իրենց հերթին նշեցին, որ ամեն բան կարգին է, տրամադրվածությունն էլ՝ մարտական։

Այլ նորություններ