Հովհաննես Դավթյանը և Ֆերդինանտ Կարապետյանը անհաջող ելույթներ են ունեցել վարկանիշային մրցաշարում
11:19 - 20 Նոյ, 2015
Ձյուդոյի Հայաստանի հավաքականի առաջատար Հովհաննես Դավթյանը և Ֆերդինանտ Կարապետյանը չինական Ցինդաո քաղաքում մասնակցում էին Օլիմպիական խաղերի համար վարկանիշային միավորներ ապահովող Գրան Պրիին:
60 կգ քաշային Հովհաննես Դավթյանը մեկնարկային գոտեմարտում պարտվել է ղազախ Ալիբեկ Իմաշևին և լքել է պայքարը: 66 կգ քաշային Ֆերդինանտ Կարապետյանը առաջին գոտեմարտում առավելության է հասել ռուսաստանցի Դենիս Լավրենտևի նկատմամբ: Հաջորդ փուլում հայ ձյուդոիստը պարտվել է ճապոնացի Կենգո Տակաչիին և դուրս մնացել հետագա պայքարից:
Հայ մարզիկները մրցատեղի էին մեկնել հավաքականի առաջատար Հովհանես Դավթյանի անձնական մարզիչ Կարեն Սիմոնյանի հետ:
ՀԱՕԿ լրատվության բաժին
Այլ նորություններ
