Սեղանի թենիսի մրցաշար՝ ԶԼՄ-ների ներկայացուցիչների միջև

20:00 - 11 Հուն, 2016

Հայաստանի ազգային օլիմպիական կոմիտեի և  «Առավոտ» օրաթերթի կազմակերպած 3-րդ մարզախաղերի շրջանակներում ԶԼՄ-ների ներկայացուցիչների միջև կայացավ սեղանի թենիսի մրցաշար:

Մրցաշարին մասնակցեցին 16 լրատվամիջոցների 35 լրագրողներ: «Այս մրցաշարի համար մենք նշանաբան ենք որոշել.  «Հայկական լրատվամիջոցները` հայ օլիմպիականներին»: Այդ կերպ մենք ցանկանում ենք մեր զորակցությունը հայտնել Օլիմպիական խաղերի հայ մասնակիցներիին: Մոտ օրերս հանդես կգանք ուղերձով»,-ՀԱՕԿ լրատվականի հետ զրույցում ասաց «Առավոտ» օրաթերթի մարզական լրագրող, մրցաշարի կազմակերպիչ Աշոտ Հակոբյանը:

Սեղանի թենիսի  տղամարդկանց պայքարում հաղթեց Լևոն Բարթիկյանը («Արմենիա հեռուստաընկերություն»), երկրորդ տեղում Սամվել Ջինանյանն է («Երկիր Մեդիա»), իսկ եռյակը եզրափակեց Արման Դավթյանը («Արմենիա հեռուստաընկերություն»):

Կանանց պայքարում լավագույն արդյունք գրանցեց Մարինե Կարապետյանը (Էկոնոմիկայի նախարարության մամուլի քարտուղար), երկրորդ և երրորդ տեղերը համապատասխանաբար զբաղեցրեցին Սոնա Հակոբյանը (ազատ լրագրող) և Լիլիթ Գալստյանը («Երկիր Մեդիա» հեռուստատեսություն ):

Կազմակերպիչներն այս անգամ պարգևատրեցին նաև 4-րդ տեղ զբաղեցրած մասնակիցներին` Էդուարդ Քալանթարյանին («Արմենիա հեռուստաընկերություն») և Անահիտ Գիրգորյանին («Առավոտ» օրաթերթ):

Հաղթողներն ստացան դրամական պարգևներ:  Մարզախաղերում ընդգրկված է 4 մարզաձև` բոուլինգ, սեղանի թենիս, հրաձգություն, դարց:  

Լուսանկարներն` այստեղ

ՀԱՕԿ լրատվության բաժին

 

Այլ նորություններ