Հայաստանի թենիսի տղամարդկանց հավաքականը Ծաղկաձորում ավարտեց իր ելույթը Եվրոպայի  Դևիսի գավաթի խաղարկության չորրորդ  խմբի մրցաշարում:  

Ճիշտ է,  վերջին տուրում մեր թենիսիստները  0 : 3 հաշվով զիջեցին մալթացիներին, սակայն կարողացան բարձրանալ երրորդ խումբ:

Ընդհանուր արդյունքով ՀՀ թիմը  մրցաշարում  զբաղեցրեց երկրորդ տեղը՝  ունենալով չորս հաղթանակ  և մեկ պարտություն:

Առաջինը  Մալթայի ընտրանին է:

Սան Մարինոյում  զուգահեռաբար անցկացվեց   << Բիլի Ջին Քինգի  >>    կանանց  թենիսի աշխարհի  գավաթի թիմային  խաղարկության  երրորդ ենթախմբի մրցաշարը: Իր հաշվին   լուրջ հաջողություն գրանցեց Հայաստանի  կանանց թիմը:

Մեր մարզուհիները առանց պարտության անցկացրին մրցաշարը, գրավեցին առաջին տեղը  և բարձրացան   երկրորդ  խումբ:

Հաջողության գործում  վճռորոշը էստոնացիների հետ հանդիպումն էր, որտեղ 2 : 0 հաշվով առավելության հասան մեր պատվիրակները:  

Նշենք, որ մինչ այդ, մերոնք   հաջորդաբար  հաղթել էին Ադրբեջանի, Ալբանիայի և Մոնտենեգրոյի թիմերին:

Հաջողությունների առթիվ շնորհավորում ենք  ՀՀ  թենիսի տղամարդկանց և կանանց հավաքականներին, համապետական ֆեդերացիային և ակնկալում նոր հաջողություններ: