LA28 ամառային օլիմպիական խաղերի  կազմակերպիչները հերթական անգամ հյուրընկալել են միջազգային օլիմպիական կոմիտեի (ՄՕԿ) համակարգող հանձնաժողովի  ներկայացուցիչներին:

Հյուրերը ծանոթացել  են խաղերի  նախապատրաստական աշխատանքներին:  

Երեքօրյա  նիստերն  ընթացել են   բաց երկխոսության պայմաններում: Քննարկված թեմաների շարքում  կարևորվել են երկրպագուների  ներգրավվածության,  տոմսերի վաճառքի, կամավորական ծրագրերի հարցերը և այլն:

LA28-ը պատրաստվում է բացառիկ հետաքրքրություն  ապահովել աշխարհի տարբեր մարզիկների և հանդիսականների համար։ Մինչև խաղերի մեկնարկը մնացել է  երկու տարուց էլ քիչ ժամանակ: Ուշագրավ է տոմսերի  ռեկորդային վաճառքը: Արդեն իրացվել է  ավելի քան չորս միլիոն օլիմպիական տոմս:

Առաջիկայում կտրվի նաև  կամավորական ծրագրի մեկնարկը:

Արժե նշել, որ մինչ այս Լոս Անջելեսը երկու անգամ ՝ 1932 թ. և 1984 թ. եղել է օլիմպիական խաղերի  մայրաքաղաք: Երրորդ փորձությունը կանցկացվի 2028թ. հուլիսի 14 – 30-ը:

Համաշխարհային 34 –րդ  գլխավոր մարզահանդեսի մեկնարկին մնացել է  769 օր: