Բասկետբոլի սիրահարները համակ ուշադրությամբ հետևեցին Հայաստանի չեմպիոնին որոշող /  Պրոբասկետ Ա-լիգա /  «Ուրարտու» -  «Հատիս» թիմերի միջև կայացած  վճռական մրցամարտերին:

Հիշեցնենք, որ առաջին խաղում հաղթել էր «Ուրարտուն»՝ 86:71:

Թիմերի երկրորդ հանդիպումը շահեցին հատիսցիները՝  94:90:

Գրանցված հաշիվները վկայում են, որ թիմերի միջև ծավալվել է  արտասովոր լարված  և դիտարժան պայքար: Խաղացողները ներդրել են իրենց բոլոր ունակությունները, ցուցադրել տեխնիկական հնարքների ամբողջ զինանոցը: Այդ որակները և բովանդակալից դրվագները հիացմունք են պատճառել ներկաներին: Շատերը նույնիսկ խաղավարտից հետո մի տեսակ ափսոսանքով, դանդաղորեն հեռացան սպորտի կառավարման կենտրոնի մարզապալատից:

Երկու խաղերի ընդհանուր արդյունքով / միավորների հաշվարկով / ՀՀ չեմպիոնի պատվին արժանացավ «Ուրարտուն» և այդ առթիվ շնորհավորում ենք թիմի հիմնադիրներին,խաղացողներին,մարզիչներին . . .

Երկրորդ հանդիպման ամենաարժեքավոր խաղացող (MVP) ճանաչվեց «Ուրարտուի» բասկետբոլիստ Ուիլյամ Փոլ Հենդերսոնը։ Նա վաստակեց 24 միավոր, կատարեց 16 ռեբաունդ և  մեկ արդյունավետ փոխանցում։

Եզրափակիչ խաղերի ավարտից հետո հայտնի են դարձել նաև մրցաշրջանի լավագույնները.

Ամենաարժեքավոր խաղացող (MVP) — Ջորդան Թիլմոն («Ուրարտու»)

Լավագույն խաղարկող (PG) — Ջամալ Քաննադի («Հատիս»)

Լավագույն պաշտպան (SG) — Դանիել Կիրակոսյան («Ուրարտու»)

Լավագույն թեթև հարձակվող (SF) — Ջորդան Սթաֆֆորդ («Օլիմպավան»)

Լավագույն ծանր հարձակվող (PF) — Դավիթ Խաչատրյան («Հատիս»)

Լավագույն կենտրոնական (C) — Դի Ջեյ Բեյզի («Ուրարտու»)

Լավագույն մարզիչ — Լուկա Ֆիլիպչևիչ («Ուրարտու»)

Լավագույն երիտասարդ խաղացող (YP) — Արթուր Ավագյան («Օլիմպավան»)

Լավագույն թիմ մենեջեր — Արամ Հունանյան («Օլիմպավան»)