Սերբիայի Զրենյանին քաղաքում ավարտվեց Եվրոպայի  մինչև 23 տարեկանների  հունահռոմեական ըմբշամարտի առաջնությունը:

Սպասելիքները գերազանցեցին մեր երկրի ներկայացուցիչները:

Սուրեն Աղաջանյանը (60 կգ) և  գերծանքաշային Արամայիս Հարությունյանը (130 կգ) հաղթեցին իրենց բոլոր մրցակիցներին, գրավեցին առաջին տեղը և պարգևատրվեցին չեմպիոնի ոսկե մեդալով:

Փոխչեմպիոնի պատվին արժանացավ Սամվել Տերտերյանը (77 կգ), որը  տուն կվերադառնա արծաթե պարգևով: Նրա թիմակից Մանվել Խաչատրյանը (55 կգ) գրավեց երրորդ տեղը  և կանգնեց պատվո պատվանդանի <<բրոնզե>> աստիճանին:  

Մեդալակիր քառյակի թիմակիցները նույնպես  հաղթանակներ  գրանցել են: Արդյունքում  ՀՀ հավաքականը  թիմային պայքարում ճանաչվեց երկրորդը: Առաջինը ՌԴ –ի, իսկ երրորդ և չորրորդ տեղերը  զբաղեցրին հաջորդաբար  Վրաստանի և Ադրբեջանի պատվիրակները:

Խոսուն հաջողության առթիվ շնորհավորում ենք  մեր ընտրանու գլխավոր մարզիչ Արմեն Բաբալարյանին, նրա ղեկավարած մարզչական հանձնախմբին, մասնագետներին, համապետական ֆեդերացիային և մարզասերներին: