Եվրոպայի չեմպիոն Համլետ Մանուկյանը ճանաչվել է  2025թ.  Եվրոպայի լավագույն մարմնամարզիկ:

Մարզաձևի միջազգային ֆեդերացիայի հարցման արդյունքում  հայաստանցին հավաքել է 1. 030, 759 ձայն: Սա նշանակում է, որ քվեարկողների 51 %-ը  առավելություն է տվել Համլետին:

Լավագույնը ճանաչվելու առթիվ ՀՀ մարմնամարզության ֆեդերացիան հետևյալն է գրել. «Շնորհակալ ենք յուրաքանչյուրիդ ակտիվ մասնակցության եւ աջակցության համար: Ձեր ջանքերի, համախմբվածության ու անսահման սիրո շնորհիվ Համլետ Մանուկյանը ճանաչվեց տարվա լավագույն մարմնամարզիկ: Սա մեր բոլորի հաղթանակն է։ Շնորհակալ ենք: Միասին ուժեղ ենք»:

Հայաստանի ազգային օլիմպիական կոմիտեն նույնպես շնորհավորում է  18 –ամյա շնորհաշատ մեր Համլետին, քանզի համաշխարհային մարմնամարզությունում  նա արժանացել է նման  բարձր  գնահատականի: