ԿԱՐԾԻՔՆԵՐԸ ՏԱՐԲԵՐ ԵՆ
Ձմեռային օլիմպիական խաղերի ծրագիրը գտնվում է իր պատմության ամենաարմատական փոփոխությունների շեմին։ Բանն այն է, որ հնարավոր է շուտով միևնույն մարզիկները կարողանան հարմարավետորեն մրցել ամառային և ձմեռային օլիմպիական խաղերում։
Քննարկվում է 2030թ. խաղերում ձյան և սառույցի համայնքի համար հիմնարար նոր մարզաձևերի՝ աթլետիկական կրոսի և հեծանվակրոսի ներառումը։
Նախաձեռնությամբ հանդես են եկել միջազգային համապատասխան մարզական ֆեդերացիաների ղեկավարները, ինչը առաջացրել է ավանդական ձմեռային մարզաձևերի բուռն դիմադրությանը:
Գաղափարը պատկանում է օլիմպիական շարժման երկու ազդեցիկ անձանց՝ աթլետիկայի համաշխարհային ֆեդերացիայի նախագահ Սեբաստիան Կոեին և հեծանվային սպորտի միջազգային ասոցիացիայի ղեկավար Դեյվիդ Լապարտիենին։
Նրանք պնդում են ծրագիրը վերանայելու անհրաժեշտությունը՝ հիմնվելով ամառային և ձմեռային օլիմպիական խաղերի մասշտաբների միջև հավասարակշռության վրա։ 2024թ. Փարիզի խաղերում շնորհվել է մեդալների 329, մինչդեռ Միլանում և Կորտինա դ'Ամպեցցոյում կայանալիք 2026թ. խաղերի համար նախատեսված է ընդամենը՝ 116 հավաքածու։
2025թ. նոյեմբերին մի շարք ձմեռային մարզաձևերի ֆեդերացիաներ համատեղ հայտարարություն են տարածել՝ դատապարտելով նախաձեռնությունը:
«Ձմեռային օլիմպիական ֆեդերացիաները համոզված են, որ այս մոտեցումը կնվազեցնի այն ապրանքանիշը, ժառանգությունը և ինքնությունը, որը ձմեռային մարզահանդեսները դարձնում է եզակի՝ ձյան և սառույցի վրա կատարվող մարզաձևերի տոնակատարություն», - ասվում է նրանց պաշտոնական դիրքորոշման մեջ։
Ավանդական մարզաձևերի առաջնորդները պնդում են, որ նորարարությունը պետք է բխի «ձյուն և սառույց» ընտանիքից:
Հիմնական խոչընդոտը օլիմպիական խարտիան է։ Փաստաթղթում հստակ նշված է, որ ձմեռային ծրագրի մարզաձևերը պետք է անցկացվեն ձյան կամ սառույցի վրա։ Առաջարկված մարզաձևերի ներառումը պահանջում է խարտիայի փոփոխություն:
Բայց օլիմպիական պատմությունում կան դեպքեր երբ մարզիկները երկու խաղերում էլ բարձրացել են պատվո հարթակ, քանզի նախկինում ամառային և ձմեռային մարզահանդեսերը անցկացվել են նույն տարում:
Այժմ մարզիկները կկարողանան հարմարավետորեն հերթափոխել ամառային և ձմեռային խաղերը` յուրաքանչյուր երկրորդ տարին մեկ:
