Երևան – Վիենա – Բելգրադ  չվերթով  այսօր ուսումնամարզական հավաքի մեկնեց Հայաստանի աթլետիկայի ընտրանին: Գլխավոր մարզիչ Գրիգոր Բարսեղյանը, իր երեք  գործընկերների հետ, Բելգրադում  դեկտեմբերի 8 – 22 –ը կայանալիք մարզումների է ուղեկցել Գյումրի, Վանաձոր, Արտաշատ,Կապան քաղաքները ներկայացնող տասը  մարզիկների: Նրանք վազորդներ և ցատկորդներ են:

Մեկնելուց առաջ գլխավոր մարզիչը հետևյալն ասաց.  << Այդ  միջոցառումը չափազանց կարևոր է: Կուզեինք մարզումներն անցկացնել մեզանում: Բայց աշխարհի միակ երկիրը Հայաստանն է, որի նույնիսկ մայրաքաղաքը չունի գոնե մեկ ծածկած մարզադահլիճ: Իսկ առջևում աթլետիկայի կարևոր ստուգատեսներ կան: Նշենք  հունվարին Վանաձորում կայանալիք Լոռվա ֆեդերացիայի նախաձեռնությամբ ավանդաբար անցկացվող հանրապետական բաց մրցաշարը, որը ընտրական բնույթ է կրում: Կհաջորդեն տեղական ու միջազգային մրցաշարերը, տարիքային տարբեր խմբերի մարզիկների մասնակցությամբ Բալկանյան երկրների առաջնությունը, դրանց  հաջորդող  Լեհաստանում մարտին նշանակված ծածկած մարզադահլիճների աշխարհի առաջնությունը . . . >>: