ՍՏՈԻԳԱՏԵՍԸ ՄՈՏԵՆՈՒՄ Է ԱՎԱՐՏԻՆ
11:07 - 03 Նոյ, 2025
Ալբանիայի Դուրես քաղաքում, Եվրոպայի ծանրամարտի երիտասարդական առաջնությունում, Հայաստանի հավաքականի հաշվին կրկին մեդալներ ավելացան:
Կանանց մրցաշարում Մերի Միսակյանը / 69 կգ / և Աննա Ամրոյանը / 77 կգ / երկամարտի արդյունքով դարձան բրոնզե մեդալակիր: Մերին ցույց տվեց 210 կգ / 92 կգ + 118 կգ /, իսկ Աննան ՝ 228 կգ / 98 կգ + 130 կգ / արդյունք:
Տղամարդկանց մրցավեճում արծաթե մեդալի արժանացավ Նարեկ Մկրտչյանը / 79 կգ /: Նրա արդյունքն է 338 կգ /150 կգ + 188 կգ /:
Այսօր մրցահարթակ կելնեն Լիանա Գյուրջյանը, Էմմա Պողոսյանը / երկուսն էլ ՝ 86 կգ /, Ալինա Սուքիասյանը / + 86 կգ /, Միշա Մելքոնյանը / 110 կգ / և գերծանրքաշային Վարդգես Մարգարյանը:
Առաջնությունը կավարտվի վաղը:
Այլ նորություններ
