ԵՕԿ – ի բարձրաստիճան պատվիրակությունը,  նախագահ Սպիրոս Կապրալոսի գլխավորությամբ,  Եվրոպական ամառային երրորդ խաղերի մեկնարկից վեց ամիս առաջ, այցելեց  Լեհաստան: 

ԵՕԿ ներկայացուցիչները տպավորվեցին նախապատրաստական աշխատանքներից, մարզահամալիրների վիճակից, հյուրընկալությունից և հույս  հայտնեցին , որ Լեհաստանը մեծ շուքով ու պատասխանատվությամբ կանցկացնի միջոցառումը:  

Նրանք նշեցին, որ ստուգատեսը ցույց կտա սպորտի ուժը, համերաշխության կարևորությունը,  հաղթելու պատրաստակամությունը,  միասնականությունը՝  դիմակայելու ներկա ժամանակաշրջանի նոր մարտահրավերներին։ 

2023թ. եվրոպական ամենամեծ մարզական միջոցառման մեկնարկին մնացել է 159 օր: Այն  կանցկացվի  հունիսի 21-ից՝  հուլիսի 2-ը։ 

Շուրջ  7000 մարզիկ - մարզուհի կմրցի  25 մարզաձեւերում։ Դրանցից 18-ը օլիմպիական նշանաբանով կանցկացվի , քանզի կխաղարկվեն  <<  Փարիզ - 2024 >>  –ի արտոնագրեր: