ԱՆԳԵՐԱԶԱՆՑԵԼԻ ՌԵԿՈՐԴԱԿՐԻ ՄԱՍՆԱԿՑՈՒԹՅԱՄԲ

11:00 - 21 Օգո, 2020

Բալկանյան երկրների աթլետիկայի  ասոցիացիայի   գործկոմի հերթական  նիստն անցկացվեց հեռավար ձևաչափով։ Մասնակիցների թվում էր նաև ՀՀ ֆեդերացիայի նախագահ,Եվրոպայի հեռացատկի անգերազանցելի ռեկորդակիր  Ռոբերտ Էմմիյանը։

Քննարկվել ու  հաստատվել են Բալկանյան երկրների մեծահասակ և  մինչև 20 տարեկան աթլետների  2020թ․ առաջնությունների անցկացման ժամկետներն ու մրցավայրերը:

Դրանք համապատասխանաբար կայանալու են սեպտեմբերի 18-19- ը ՝ Ռումինիայի Կլուժ-Նապոկա և սեպտեմբերի 12 – 13 –ին՝ Թուրքիայի Ստամբուլ քաղաքներում։

Մեծահասակների մրցումներում դրամական մրցանակներ են սահմանված   լավագույն մարզիկ- մարզուհու համար։

Այդ ստուգատեսներին կմասնակցեն   Հայաստանի տասը մեծահասակ և հինգ  երիտասարդ և  մարզիկ – մարզուհիներ։

Առաջիկա  գործուղումների համար միակ խնդիրը, թերևս, միջազգային մրցուղերթների թույլտվություն ունենալն է, որը  բացատրվում է հայտնի համավարակով։ Աթլետիկայի մարդիկ հույս ունեն, որ հարցը լուծում կստանա։ Այդ ակնկալիքով են նրանք շարունակում  մարզումները ։

 

 

Այլ նորություններ