ՄՕԿ –ի  նախագահ Քիրսթի Քովենթրիի  գլխավորած պատվիրակությունը իտալիայում  աշխատանքային եզրափակիչ հանդիպումն է անցկացնում  << Միլան Կորտինա  - 2026 >> ձմեռային խաղերի  համակարգող հանձնաժողովի և կազմկոմիտեի անդամների հետ:

Ներկաները ընդգծել են կատարված գործերի առաջընթացը և երկրպագուների ու մարզիկների ներգրավվածության  կենտրոնացումը: Մարզահանդեսի նկատմամբ ոգևորությունը շարունակում է աճել։

Աշխատանքային խմբի անդամները նշել են նաև սպասվող մարտահրավերների մասին:

Հայտնի է,  որ  25 –րդ ձմեռայինի  ջահի փոխանցավազքը կմեկնարկի Հունաստանում՝  նոյեմբերի 26-ին։ Կրակը դեկտեմբերի չորսին կհանձնվի Իտալիայի ներկայացուցիչներին, որից հետո այն երկու ամսում  երկրով կանցնի  շուրջ 12 հազար կիլոմետր:

Միջոցառումների համար նախատեսված 1.5 միլիոն տոմսից  վաճառվել է գրեթե 800,000-ը:  

Հանձնաժողովի անդամները  նաև շրջայց  են կատարել Միլանի օլիմպիական գյուղում և  մարզահամալիրներում:

Նշենք, որ << Միլանո Կորտինան >> առաջին ձմեռային  խաղերն են, որոնք ձևավորվել են  ՄՕԿ –ի օլիմպիական օրակարգի բարեփոխումներով:

Գրանցված առաջընթացը պայմանավորված է շահագրգիռ կողմերի և  գործընկերների հետ  համագործակցությամբ:

Ձմեռային մարզահանդեսի մայրաքաղաքները կլինեն Կորտինա դ'Ամպեցոն, որն արդեն հյուրընկալել է մրցումները 1956թ.  և Միլանը։ Բացի այդ,  որոշ մրցումներ  կկայանան Վալ դի Ֆիեմմեում, Անտերսելվայում, Բորմիոյում և Լիվինյոյում։

<< Միլան Կորտինա  - 2026 >>   ձմեռային օլիմպիական խաղերը տեղի կունենան փետրվարի 6-22-ը, որին կհաջորդի  պարալիմպիկը՝  մարտի 6-15-ը: