Հայաստանի հունահռոմեական ոճի ըմբիշներից առաջինը աշխարհի չեմպիոնի պատվին է արժանացել / 1982թ. / երևանցի Բենուր Փաշայանը: Նա նվաճումը կրկնել է նաև հաջորդ մրցաշրջանում:

Բենուրը Լոս Անջելեսի օլիմպիական խաղերի / 1984թ. / հաղթողի իրական հավակնորդ էր համարվում: Եվ նա կկանգներ չեմպիոնական աստիճանին, եթե ԽՍՀՄ –ը և ընդհանրապես սոցիալիստական երկրները չբոյկոտեին համաշխարհային այդ գլխավոր մարզահանդեսը:Փոխարենը Մոսկվայում կայացած բարի կամեցողության խաղերում / ДРУЖБА - 84 /  Բենուրը գետնեց աշխարհի ուժեղագույն  մարզիկներին, հռչակվեց չեմպիոն և ճանաչվեց մրցաշարի լավագույն ըմբիշ:

Մրցագորգի հայ վարպետն ընդհանրապես տարիքային բոլոր խմբերի մրցաշարերում  միշտ հաղթող է ճանաչվել: Ժամանակի ամենահեղինակավոր մասնագետները նշել են, որ հենց գոտեմարտի ընթացքում, նա նոր հնարքներ ու տարրեր է ստեղծագործել:

Այդ ամենը գնահատելով Երևանի քաղաքապետարանի սպորտի և երիտասարդության հարցերի վարչությունը  մարզաձևի հանրապետական ֆեդերացիայի հետ  համատեղ կազմակերպել են  կյանքին անժամանակ հրաժեշտ տված փառահեղ ըմբիշի հիշատակը հավերժացնող միջազգային ավանդական  մրցաշարը:

Մայրաքաղաքի «Դինամո» մարզադահլիճի  մրցագորգերի վրա, տանտերերից բացի, այս անգամ իրենց հմտություններն են  ցուցադրում նաև Իրանի, Նորվեգիայի, Մոլդովայի, Ֆինլանդիայի, Էստոնիայի, Լեհաստանի, Չեխիայի,  Վրաստանի և Բելառուսի շուրջ 140 պատվիրակներ:

Բենուր Փաշայանի հարազատ Երևանի «Դինամո»  մարզադահլիճում, այսօր երեկոյան հայտնի կդառնան հուշամրցաշարի հաղթողները: 

Առաջինը ճանաչվելու համար կգոտեմարտեն եզրափակիչ մտած հետևյալ զույգերը.

55 կգ` Տիգրան Մինասյան - Մանվել Խաչատրյան,

60 կգ` Գևորգ Ղարիբյան - Հրաչյա Պողոսյան,

63 կգ` Դավիթ Ջոթյան - Արման Վարդանյան,

67 կգ` Սլավիկ Գալստյան - Հայկ Մելիքյան,

72 կգ` Գոռ Խաչատրյան - Ահմադռեզա Մոհսեդ Նեժադ (Իրան),

77 կգ` Ալեքսանդրին Գուտու (Մոլդովա) - Արթուր Ամոյան,

82 կգ` Սեյեդ Ռեզա Ազարշաբ (Իրան) - Աբոլֆազլ Մոհմեդի (Իրան),

87 կգ` Էրիկ Տեր-Մաթևոսյան - Վիգեն Նազարյան,

97 կգ` Հայկ Խլոյան - Թոհիդ Մոհերբիպորաբդեհգա (Իրան),

130 կգ` Արամայիս Հարությունյան - Ռազմիկ Քուրդյան։