Շվեյցարիայի Լոզան քաղաքում, ամառային օլիմպիական միջազգային մարզական ֆեդերացիաների ասոցիացիայի (ASOIF) 47-րդ գլխավոր ասամբլեան համընկել է կազմակերպության 40-ամյակին:

ՄՕԿ –ի նախագահ Թոմաս Բախն իր ելույթում  բարձր է գնահատել ASOIF-ի վերջին չորս տասնամյակների ընթացքում օլիմպիական շարժման մեջ ունեցած ձեռքբերումներն  ու ներդրումը:  Նա նաև ընդգծել է ասոցիացիայի անփոխարինելի դերը օլիմպիական խաղերի կայացման և արդիականացման գործում, ինչը լավագույնս դրսևորվել է << Տոկիո-2020 >> օլիմպիական խաղերին ընդառաջ, որոնք անցկացվել են աննախադեպ պայմաններում,  Covid-19 համաճարակի ժամանակ:

ASOIF-ի նախագահ Ֆրանչեսկո Ռիչի Բիթին նախագահել է ասամբլեան և նշել,  որ << Փարիզ - 2024 >> -ի որակավորման շրջանը բուռն ընթացքի մեջ է, և  կարևոր է  հավատարիմ լինել  օլիմպիական խաղերի հաջող անցկացման գործին:

Փարիզի մարզահանդեսի  կազմկոմիտեի նախագահ Թոնի Էստանգեն  զեկուցել է խաղերի նախապատրաստական աշխատանքների  առաջընթացի մասին: Նա  ընդգծել է տոմսերի վաճառքում ունեցած հաջողությունները:

Ասամբլեան նաև հավանության է արժանացրել  ASOIF-ի կանոնադրությունում որոշակի փոփոխություններ կատարելու մասին առաջարկը: