Ճապոնիայի մայրաքաղաք Տոկիոյում շարունակվում է 32 –րդ ամառային օլիմպիական խաղերը: Լարվածությունը և մրցաշարերի նկատմամբ հետաքրքրությունը հասնում է գագաթնակետին: Շատ մարզաձևերում օրեկան որոշվում են չեմպիոններն ու մրցանակակիրները:

Հայաստանի մարզասերները հաղթանակի ակնկալիքով են  հետևում հատկապես  մեր  պատվիրակության  գլխավոր հրետանու ՝ մենապայքարային մարզաձևերի ներկայացուցիչների ելույթներին: Ճիշտ է, այսօր, ամռան վերջին ամսի առաջին օրը ձախողվեցին մեր բռնցքամարտիկ Արման Դարչինյանը/ 75 կգ / և հունահռոմեական ոճի ըմբիշ Արմեն Մելիքյանը / 60 կգ /: Եթե վերջինին հաղթած ուկրաինացի ըմբիշ Տիմուրովը  հասնի եզրափակիչ, ապա Արմենը կմասնակցի բրոնզե մեդալի համար պայքարին:  

Ամեն բանից անկախ, չեն մարում մեդալակիրներ ունենալու հույսերը: Դրանք երևի թե արդարանան վաղը ՝ օգոստոսի երկուսին կայանալիք ստուգատեսներում:

Հետևենք հունահռոմեական ոճի ըմբիշներ  Կարապետ Չալյանի / 77 կգ /, Արթուր Ալեքսանյանի / 97կգ / և մարմնամարզիկ Արթուր Դավթյանի մրցելույթներին:

Ի դեպ, Կ.Չալյանի առաջին մրցակիցն է ուզբեկ Յալգաշբայ Բերդիմուրատովը, իսկ Ա. Ալեքսանյանինը ՝ ղըրղզ Ուզուր Ջուզուպբեկովը:

Լուսանկարը ՝  Ասատուր Եսայանցի / Տոկիո – Երևան /: