ԼԵՎՈՆ ԱՐՈՆՅԱՆԸ ԱՌԱՋԱԴԻՄԵԼ Է
10:59 - 02 Նոյ, 2020
Շախմատի միջազգային ֆեդերացիան / ՖԻԴԵ / հրապարակել է 100 լավագույն շախմատիստների վարկանիշային հերթական աղյուսակը։
Տղամարդկանց ցանկում Հայաստանի անվանի գրոսմայստեր Լևոն Արոնյանը առաջադիմել է երեք աստիճանով և այժմ 6-րդ հորիզոնականում է: Մեր երկրի ներկայացուցիչներից Գաբրիել Սարգսյանը 54-րդն է, Հրանտ Մելքումյանը՝ 79-րդը, Կարեն Գրիգորյանը՝ 84- րդը։
Առաջատարը նորվեգացի, աշխարհի չեմպիոն Մագնուս Կառլսենն է։ Առաջին հնգյակում են նաև Ֆաբիանո Կարուանան / ԱՄՆ /, Դին Լիրենը/ Չինաստան/ , Յան Նեպոնյաշչին / Ռուսաստան / և Մաքսիմ Վաշյե –Լագրավը /Ֆրանսիա /։
Կանանց լավագույն հարյուրյակը գլխավորում է Հու Յիֆանը / Չինաստան /։ Մեր շախմատիստուհիներից Էլինա Դանիելյանը 57-րդն է, Աննա Սարգսյանը՝ 59-րդը, և Լիլիթ Մկրտչյանը՝ 73-րդը։
Այլ նորություններ
