Տոկիոյի թիավարության օլիմպիական  կենտրոնը դռներն է  բացել բոլոր  այցելուների առջև: Մինչև 2020 թ․  դեկտեմբերի 28-ը այնտեղ կարելի է ազատ մարզվել։ << Կասաի >>  թիավարության  ջրանցքում Տոկիոյի բնակիչները կարող են  պարապել նաև ռաֆթինգ կամ քայաքինգ մարզաձևերով: 

Ճապոնիայի մայրաքաղաքի իշխանությունը հավանության է արժանացրել   << Տացումի >> ջրագնդակի կենտրոնը, որը հատուկ կառուցված է օլիմպիական խաղերի համար: Այնտեղ կպարապեն պրոֆեսիոնալ և սիրողական խմբերը, պայմանով, որ չընդհատվեն  խաղերի նախապատրաստական աշխատանքները։

2020-ի օգոստոսից մինչև  2021-ի ապրիլը կենտրոնում  կանցկացվեն տեղական  մրցումներ և ուսումնամարզական հավաքներ: Համավարակի  վերանալուց հետո այն բաց կլինի հասարակության համար: 

Ավելի վաղ <<  Տոկիո -  2020 >>  կազմկոմիտեն հայտնել էր, որ համաձայնություն է ձեռք բերվել խաղերի բոլոր ասպարեզների օգտագործման վերաբերյալ։