ՄՕԿ –ի նախագահ Թոմաս Բախն ասել է, որ իրենք  ուշադիր հետևում են առողջապահության համաշխարհային կազամակերպության առաջարկություններին: Միաժամանակ չեն կարող անտեսել որակավորման մրցաշարերի հետ կապված խնդիրները: Գիտակցում են, որ խաղերը վտանգի տակ են: Բայց դեռևս  չորս ու կես ամիս կա և այդ ժամանակահատվածը պետք է արդունավետ օգտագործել,  որպեսզի  հնարավոր լինի խաղերի  անցկացումը:  

Հիշեցնենք, որ միմյանց են հաջորդում տարբեր մարզաձևերի միջազգային օլիմպիական վարկանիրշային մրցաշարերի հետաձգումներն ու չեղարկումները:

Օլիմպիական խաղերի կայացման հարցում շատերն են տեսակետներ արտահայտել: Խոսել է նաև ԱՄՆ –ի նախագահ Դոնալդ Թրամպը: Նա կարծում է, որ նպատակահարմար չէ խաղերը անցկացնել առանց հանդիսականի:Կարելի է օլիմպիական մարզահանդեսը տեղափոխել 2021թ.:

Ճապոնիայի նախարարների խորհրդի գլխավոր քարտուղար Յոսիհիդե Սուգան իր հերթին շեշտել է, որ իրենց երկրի  իշխանությունները կանեն ամեն ինչ, որ օլիմպիական խաղերն ընթանան ըստ  ժամանակացույցի:

32 – րդ ամառային օլիմպիական խաղերի մեկնարկին մնացել է 132 օր: