Կայացավ Հրանտ Շահինյանի անվան հուշամրցաշարը

20:35 - 13 Նոյ, 2019

Հրանտ Շահինյանի անվան մարմնամարզության մարզադպրոցում անցկացվեց հայ առաջին օլիմպիական չեմպիոնի անունը կրող ամենամյա միջազգային մրցաշարը, որին մասնակցում էին 38 մարմնամարզիկներ՝ 21 աղջիկ և 17 տղա։ ՀԱՕԿ լրատվականի հետ զրույցում սպորտային մարմնամարզության Հայաաստանի հավաքականի գլխավոր մարզիչ Հակոբ Սերոբյանը խոսեց նման մրցաշարի կարևորության մասին․


«Այսպիսի մրցաշարերի մասնակցելով՝ երիտասարդ մարզիկները մեծ փորձ են ձեռք բերում, ինչը օգնում է նրանց ավելի լավ պատրաստվել միջազգային մրցաշարերի, Եվրոպայի ու աշխարհի առաջնությունների: Եթե մարմնամարզիկը միանգամից մասնակցի , օրինակ` Եվրոպայի առաջնության, վախեր կունենա և չի կարողանա լավ արդյունք ցույց տալ: Այս մրցաշարը ցույց տվեց, որ լավ երեխաներ կան, սակայն նրանք պետք է գիտակցեն, որ մարմնամարզությունում հաջողությունների հասնելու համար պետք է լինել շատ համբերատար և կարգապահ»,- ասաց Հակոբ Սերոբյանը։
Մրցաշարի ժամանակ տարիքով փոքր մարմնամարզիկները մասնակցել են պատանիների և երիտասարդների հետ. ըստ Սերոբյանի` դա նույնպես խթան է հանդիսանում․

«Այսօր տեսանք, օրինակ` 11 տարեկան տղան կարողանում է մրցանակակիր դառնալ ավելի մեծահասակների պայքարում: Մրցաշարը կազմակերպել ենք միջազգային ծրագրով, որպեսզի փոքրերն աստիճանաբար սովորեն, թե ինչպես են պայքարելու միջազգային մրցաշարերում»։
Մեկնաբանության վերջում Հակոբ Սերոբյանն ասաց, որ դահլիճային պատշաճ պայմանները թույլ կտան մեծացնել մրցաշարի աշխարհագրությունը։

Այլ նորություններ