Միջազգային օլիմպիական կոմիտեն (ՄՕԿ) հայտարարել է Միլանում և Կորտինա դ'Ամպեցոյում կայանալիք 2026թ. ձմեռային օլիմպիական խաղերում կոռուպցիայի և մանիպուլյացիաների դեմ պայքարի մասնագիտացված ստորաբաժանում ստեղծելու մասին։

Խաղերի կազմկոմիտեի հետ համատեղ ստեղծված ստորաբաժանումը կսկսի գործել օլիմպիական գյուղի բացման օրը ՝ 2026թ.  հունվարի 30-ից և գործունեությունը կավարտի  փակման արարողությունից հետո։

Բաժանմունքի  հիմնական նպատակն է ապահովել տեղեկատվության արագ փոխանակումը սպորտային կարգապահական մարմինների և Իտալիայի իրավապահ մարմինների միջև։

«Օլիմպիական խաղերը ազնվության ու արդարության  համաշխարհային չափանիշ են, տոնակատարություն, որտեղ կոռուպցիան տեղ չունի։ Մեր գործընկերների հետ կկարողանանք ավելի արդյունավետորեն բացահայտել և կանխել խախտումները», - նշել է ՄՕԿ-ի էթիկայի պատասխանատու Ջուզեպպե Դելեոնարդիսը։

Ի դեպ, երեկ՝  դեկտեմբերի 9 – ին,   կոռուպցիայի դեմ պայքարի միջազգային  օրն էր, որով առաջնորդվում է ՄՕԿ –ը: