Շախմատի Հայաստանի հավաքականի առաջատար Լեւոն Արոնյանը Գերմանիայում մեկնարկած Grenke Сhess Сlassic մրցաշարի առաջին տուրում սպիտակ խաղաքարերով միավորը կիսեց Ադրբեջանի ներկայացուցիչ Արկադի Նայդիչի հետ։ Պարտիան ավարտվեց 41-րդ քայլում:

Աշխարհի գործող չեմպիոն, նորվեգացի Մագնուս Կարլսենը սեւերով պարտության մատնեց 14-ամյա Վինսենտ Կեյմերին (Գերմանիա), իսկ Պյոտր Սվիդլեր (Ռուսաստան) - Ֆաբիանո Կարուանա (ԱՄՆ), Մաքսիմ Վաշյե-Լագրավ (Ֆրանսիա) - Վիշվանաթան Անանդ (Հնդկաստան), Գեորգ Մեյեր (Գերմանիա) - Ֆրանսիսկո Վալյեխո (Իսպանիա) պարտիաներում հաղթող չեղավ:

Ապրիլի 21-ին անցկացվելիք երկրորդ տուրում Լեւոն Արոնյանի մրցակիցը կլինի Գեորգ Մեյերը։

Հիշեցնենք, որ Լեւոն Արոնյանը Grenke Сhess Сlassic-ի հաղթողի կոչումը նվաճել է 2017 թվականին: