Երևանի  նորակառույց << Օլիմպավանի >>  նիստերի դահլիճում այսօր` հոկտեմբերի 21 –ին տեղի ունեցավ Հայաստանի ազգային օլիմպիական կոմիտեի գլխավոր ասամբլեայի հատուկ նիստը:  Ներկաներին ողջունեց ՀԱՕԿ նախագահ Գագիկ Ծառուկյանը:

Օրակարգում ընդգրկված էր երեք հարց:  Առաջինը  2013 – 2016թթ. ՀԱՕԿ –ի կատարած աշխատանքների մասին զեկուցեց ՀԱՕԿ գլխավոր քարտուղար Հրաչյա Ռոստոմյանը: Նա մասնավորպես ասաց, որ քառամյա փուլի ծրագրի բոլոր կետերը նշված ժամկետներում կատարվել են, ուսումնամարզական հավաքները ծառայել են նպատակներին և արդյունքները գոհացրին: Քսան տարվա ընդմիջումից հետո, մեր երկիրը, ի դեմս հունահռոմեական ոճի ընբիշ Արթուր Ալեքսանյանի ունեցավ  31 –րդ խաղերի  չեմպիոն:  Մեր ևս երեք մարզիկներ ` նույն ոճի ըմբիշ Միհրան Հարությունյանը, ծանրորդներ Սիմոն Մարտիրոսյանը և Գոռ Մինասյանը դարձան փոխչեմպիոններ:

Համաժողովի մասնակիցները  բավարար գնահատեցին  Հայաստանի ազգային օլիմպիական կոմիտեի կատարած աշխատանքները և մեր պատվիրակության ցուցանիշները` օլիմպիական խաղերում:

Օրակարգի  հաջորդ հարցը ընտրություններն էին: Արդյունքում  միաձայն ՀԱՕԿ   նախագահ վերընտրվեց  Գագիկ Ծառուկյանը: Այնուհետև ընտրվեց և հաստատվեց գործկոմի կազմը:

Վերջինը ընթացիկ հարցերն էին, որոնց շուրջ տեղի ունեցան  մտքերի փոխանակումներ: Գլխավորը քառամյա նոր փուլի ծրագրի հաստատումն էր:

Վերջում համաժողովի  աշխատանքն ամփոփեց  ՀԱՕԿ նախագահ Գագիկ Ծառուկյանը:

ՀԱՕԿ լրատվության բաժին