Սոնա Պողոսյանը մեծ բրոնզե եւ փոքր արծաթե մեդալներ նվաճեց աշխարհի երիտասարդական առաջնությունում

12:07 - 21 Հուն, 2017

Տոկիոյում ընթացող ծանրամարտի աշխարհի երիտասարդական առաջնությունում կանանց 75 կգ քաշային կարգում Սոնա Պողոսյանը երկամարտի 223 կգ արդյունքով դարձավ բրոնզե մեդալակիր:

Սոնան փոքր արծաթե մեդալ նվաճեց նաեւ հրում վարժությունում`  գլխավերեւում պահելով 125 կգ: Իսկ պոկում վարժությունում հայ ծանրորդը  4-րդն էր (98 կգ):

Երիտասարդների աշխարհի չեմպիոն դարձավ էկվադորցի Նեյնսի Դահոմեսը (երկամարտ 242 կգ):

Վաղը Հայաստանի ներկայացուցիչներից տղամարդկանց 105 կգ քաշային կարգում հանդես կգա Սամվել Գասպարյանը:

Այլ նորություններ