Շվեյցարիայի Նիոն քաղաքում կայացել  է  2026/27 մրցաշրջանի Եվրոպայի 17 տարեկան աղջիկների  ֆուտբոլի առաջնության որակավորման առաջին փուլի վիճակահանությունը:

Արդյունքում Հայաստանի հավաքականն ընդգրկվել է B լիգայի B2 խմբում: Մրցակիցներն են Թուրքիայի, Անդորրայի և Մոնտենեգրոյի թիմերը:

Հաստատված ձևաչափով A լիգայում ընդգրկված են 28 հավաքականներ: Յոթ ենթախմբերից յուրաքանչյուրում ներառված է չորս թիմ:

B լիգայում  հանդես կգան  22 հավաքականներ ՝ չորս ենթախմբով՝  յուրաքանչյուրում չորս թիմ, և երկու խումբ՝ երեքական  թիմով։

Վեց խմբերի հաղթողները, ինչպես նաև երկրորդ տեղ զբաղեցրած լավագույն թիմերը իրավունք կստանա մասնակցելու A լիգայի մրցաշարին:

Լիգաներում  որակավորման առաջին փուլի հանդիպումները նշանակված են մինչև այս տարվա դեկտեմբերի 5-ը։

Եզրափակիչը նախատեսված է Ֆինլանդիայում։

Նիոնում տեղի  է ունեցել  նաև  Եվրոպայի Մ-19 ֆուտբոլիստուհիների առաջնության 2026-27 մրցաշրջանի որակավորման առաջին փուլի վիճակահանությունը։

Մեր ընտրանին ընդգրկվել է  B 2 խմբում: Մրցակիցներ են Իռլանդիայի, Բուլղարիայի ու Վրաստանի հավաքականները։

A լիգայում 28 հավաքական բաժանվել է 7 խմբի՝ յուրաքանչյուրում  չորս  թիմ։

B լիգայում 24 հավաքական բաժանվել է  վեց  խմբի՝ յուրաքանչյուրում 4 թիմ։ Խմբերի  հաղթողները և լավագույն  երկրորդ  տեղ գրաված թիմը կբարձրանա Ա լիգա՝  երկրորդ փուլին մասնակցելու համար։

Եզրափակիչը կայանալու է Հունգարիայում։