ԵՐՐՈՐԴ ՏԱՍՆՅԱԿՈՒՄ
Բաթումիում ավարտվեց Եվրոպայի կանանց շախմատի անհատական առաջնությունը։
11 հնարավորից ինը միավոր վաստակեց և չեմպիոնի կոչումը նվաճեց տասնհինգամյա ուկրաինուհի Անաստասիա Հնատիշինը: Դա առաջնությունում սենսացիա էր, քանզի մեկնարկից առաջ այդ շամատիստուհին մասնակիցների շարքում ուներ ընդամենը 76-րդ վարկանիշը։ Նրանից կես միավորով հետ մնացին Սաբրինա Վեգա Գուտիերեսը (Իսպանիա), Օլգա Բադելկոն (Ավստրիա) և Նուրգուլ Սալիմովան (Բուլղարիա):
Հայաստանի 16 պատվիրակները անմասն մնացին խաղարկված մեդալներից և չնվաճեցին նաև ՖԻԴԵ-ի աշխարհի գավաթի խաղարկության մասնակցության ուղեգիր:
Մեր երկրի ներկայացուցիչներից երրորդ տասնյակում տեղ ունեցան միայն Մարիամ Մկրտչյանը և Լիլիթ Մկրտչյանը, որոնք յոթական միավորով մրցաշարային աղյուսակում զբաղեցրին համապատասխանաբար 23-րդ և 27-րդ տեղերը:
