ՆՈՐ ՆՇԱՆԱԿՈՒՄՆԵՐ
11:27 - 13 Մար, 2026
Հայաստանի բասկետբոլի հավաքականներում տեղի են ունեցել մարզչական նշանակումներ:
Ամռանը կայանալիք Եվրոպայի C դիվիզիոնի առաջնությունում մինչև 18 տարեկանների հավաքականը կգլխավորի Արեգ Վաթյանը:
Մեր թիմը ընդգրկվել է Եվրոպայի C դիվիզիոնի A ենթախմբում և կմրցիԿոսովոյի, Անդորրայի և Ջիբրալթարի թիմերի հետ։
Հանդիպումները նախատեսված են հուլիսի 21–26-ը՝ Շկոդրայում (Ալբանիա)։
Մինչև 20 տարեկանների հավաքականի գլխավոր մարզչի պաշտոնում է նշանակվել Սևակ Քեթենջյանը: Նրա գլխավորած ընտրանին ընդգրկվել է Եվրոպայի B դիվիզիոնի C ենթախմբում: Մրցակիցներն են՝ Իսլանդիայի, Պորտուգալիայի, Կոսովոյի, Բոսնիա և Հերցեգովինայի ու Կիպրոսի թիմերը։
Խաղերը կկայանան հուլիսի 10–19-ը՝ Սլովակիայի մայրաքաղաք Բրատիսլավայում:
Այլ նորություններ
