ԱՐԴԱՐԱՑՎԱԾ ՍՊԱՍԵԼԻՔՆԵՐ
10:37 - 23 Փետ, 2026
Գերմանիայի Կոտբուս քաղաքում ավարտվել է սպորտային մարմնամարզության աշխարհի գավաթի խաղարկության առաջին փուլը:
Հայաստանի հավաքականի անդամ Արթուր Ավետիսյանը վստահորեն է հանդես եկել օղակներ մրցաձևում, վաստակել է 14.366 միավոր, գրավել է առաջին տեղը և պարգևատրվել է ոսկե մեդալով:
Նժույգթափերում պատվանդանի երկրորդ աստիճանին է կանգնել Մամիկոն Խաչատրյանը / 14.966 միավոր /: Այս մրցաձևում վճռական փուլ էր մտել նաև Համլետ Մանուկյանը:Նա բավարարվել է յոթերորդ տեղով / 14, 166 /:
Մեր թիմի առաջատար Արթուր Դավթյանը օղակների վրա վարժությունում ճանաչվել է վեցերորդը, իսկ հենացատկի պայքարին չի մասնակցել՝ վնասվածքի պատճառով:
Աշխարհի գավաթի խաղարկության հաջորդ երկու փուլերը նախատեսված են մարտի 5–8-ը՝ Բաքվում և մարտի 12–15-ը՝ Անթալիայում:
Այլ նորություններ
