Գյումրիում ավարտին է մոտենում  Հայաստանի պատանի և երիտասարդ սուսերամարտիկների տասնօրյա ուսումնամարզական հավաքը:  Համատեղ պարապում են խոցասուսերակիրները և ճկասուսերակիրները: Աշխատանքները ղեկավարում են հավաքականների գլխավոր մարզիչներ Արմեն Նավասարդյանը / խոցասուսեր /  և Գագիկ Հովհաննիսյանը / ճկասուսեր /:

Հեռաձայնեցինք Արմեն Նավասարդյանին: Ասաց, որ մեծ տեղ են հատկացնում տեխնիկատակտիկակակ որակների բարելավմանը: Մարզիկ – մարզուհիների առաջընթացը նկատելի է: Նրանք լավագույն մարզավիճակի պետք է հասնեն փետրվարի 20 –ին ,երբ կմեկնարկի Թբիլիսիում նշանակված Եվրոպայի անհատական – թիմային   առաջնությունը:

Մրցումները կընթանան զուգահեռաբար: Մարտուղյակում հանդես կգան մեր վեցական տղաներ և աղջիկներ:  Միջոցառումը կավարտվի փետրվարի 26 –ին:

Հաջորդիվ ուշադրության կենտրոնում կլինեն ազգային հավաքականները, որոնք կնախապատրաստվեն մարզաձևի հանրապետական ֆեդերացիայի կազմած ծրագրով: