LA28 օլիմպիական խաղերի 1000 օրվա հետհաշվարկի առթիվ Լոս Անջելեսում և Օկլահոմա Սիթիում կազմակերպվել են տոնական միջոցառումներ:

Հանդիսությունների  մասնակից երեխաներին ու նրանց ընտանիքների անդամներին  միացել են նաև  օլիմպիական և պարալիմպիկ խաղերի բազմաթիվ  մրցանակակիրներ, հայտնի մարզիկներ:

Լոս Անջելեսի քաղաքապետ Կարեն Բասը ներկայացրել է  «Խաղեր բոլորի համար» տեսլականը,  թե ինչպես կարող է  խաղերը  նպաստել քաղաքի վերափոխմանը և  ստեղծել  նոր հնարավորություններ՝   կայուն ենթակառուցվածքներով:

«Խաղեր բոլորի համար» ծրագիրը բաղկացած է  չորս հիմնական հենասյուներից .  երիտասարդական սպորտ, մատչելիություն, բիզնես հնարավորություններ և կայունություն։

Նախաձեռնությունը հիմնված է քաղաքի PlayLA երիտասարդական սպորտային ծրագրի վրա, որն արդեն 160 միլիոն ԱՄՆ դոլար ֆինանսավորում  է ստացել կազմկոմիտեից և միջազգային օլիմպիական կոմիտեից (ՄՕԿ):

Նշած  քաղաքներում անցկացված  մարզամշակութային տոնակատարությունները ամրապնդել են  այն ուղերձը, որ  LA28 խաղերը ոչ միայն կցուցադրեն համաշխարհային մակարդակի մարզական մրցակցություն, այլև կապահովեն երկարատև օգուտներ՝ համայնքների և ապագա սերունդների համար։

LA28 օլիմպիական խաղերը տեղի կունենան 2028թ. հուլիսի 14-30-ը, որին կհաջորդի  պարալիմպիկը ՝ օգոստոսի 15- 27-ը: