ՀԱՅԱՍՏԱՆԻ ԿԱՆԱՆՑ ՍՊՈՐՏԻ ԽՈՐՀՐԴԱՆԻՇԸ
ԶԻՆԱԻԴԱ ՍԻՄՈՆՅԱՆ. Նա այսօր՝ մայիսի 20 –ին կդառնար 75 տարեկան:
Երևանցի հմայիչ նշանառուն հրաձգություն մարզաձևի համաշխարհային ամենափայլուն աստղերից մեկն էր: Եղել է Խորհրդային Միության 18-ակի, Եվրոպայի 16-ակի և աշխարհի բազմակի չեմպիոն, սահմանել է ԽՍՀՄ, Եվրոպայի և աշխարհի 56 ռեկորդ:
ԽՍՀՄ սպորտի վաստակավոր վարպետ, ԽՍՀՄ սպորտպետկոմի ու ՀՀ ԿԳ նախարարության ոսկե մեդալակիր, << Մովսես Խորենացի >> շքանշանակիր, ՀԱՕԿ-ի գործկոմի անդամ . . .
Գործուն սպորտին հրաժեշտ տալուց հետո մեծանուն մարզուհին դարձավ ՀՀ ԿԳ նախարարության մասնագիտացված մարզադպրոցի մարզիչ, ուսմասվար, ապա ` տնօրեն : Ավաղ, նա անժամանակ կնքեց իր մահկանացուն:
Կարճատև հիվանդությունից հետո, 2012թ. մարտի 23-ին, 62 տարեկան հասակում, կյանքին հրաժեշտ տվեց Զինաիդա Սիմոնյանը :
Մեծ հայրենասերը երջանիկ ապրելու լավագույն միջոցը համարում էր երկրի անխոցելի պաշտպանությունը, մեր ազգային բանակը։ Իր ելույթներում հորդորում էր պատանիներին ու աղջիկներին, որ կրակել սովորեն, տիրապետեն զենքին, ունենան սուր աչք և չդողացող ձեռք։ Հաճախ էր դիմում հայ մայրերին, որ իրենց զավակներին մարզումների ուղեկցեն հրաձգարաններ։
Խոնարհում և փառք Հայաստանի կանանց սպորտի խորհրդանիշ Զինաիդա Սիմոնյանի հիշատակին:
