Միջազգային օլիմպիական կոմիտեի / ՄՕԿ / 144-րդ նստաշրջանը կանցկացվի Հունաստանում, առաջիկա մարտի 19-21-ը:  Բացման արարողությունը նախատեսված է մարտի 18-ին, որին   կնախորդի  / մարտի 17-ին /  կազմակերպության գործկոմի նիստը: Նախագահի ընտրությունը նշանակված է մարտի 20-ին  և  կորոշվի, թե ով է փոխարինելու գործող նախագահ  Թոմաս Բախին:  

Միջոցառումը տեղի կունենա Հունաստանի Պելոպոնես շրջանի Կոստա Նավարինոյի Ռոմանոս հանգստավայրում:

Նշենք, որ ՄՕԿ –ը արդեն  հրապարակել է  առաջիկա  ընտրություններին առաջադրված  նախագահի բոլոր յոթ թեկնածուների փաստաթղթերը:

Թեկնածուներն են ՝   Հորդանանի արքայազն Ֆեյսալ իբն Հուսեյնը, բրիտանացի Լորդ Սեբաստիան Կոուն / աթլետիկայի համաշխարհային ասոցիացիայի նախագահ /, զիմբաբվեցի, միակ կին թեկնածու  Քիրսթի Քովենթրին / ՄՕԿ  մարզիկների հանձնաժողովի  նախագահ,  ՄՕԿ-ի 130-ամյա պատմությունում   առաջին կին և առաջին աֆրիկացին  /, իսպանացի Խուան Անտոնիո Սամարանչ կրտսերը /  ժամանակակից հնգամարտի միջազգային ֆեդերացիայի առաջին փոխնախագահ, ՄՕԿ-ի յոթերորդ նախագահ Խուան Անտոնիո Սամարանչի ավագ որդին /, շվեդ Յոհան Էլիաշը  / դահուկային սպորտի եւ սնոուբորդի միջազգային ֆեդերացիայի նախագահ /, ֆրանսիացի Դավիդ Լապարտիենտը  /  հեծանվասպորտի միջազգային միության նախագահ, Ֆրանսիայի ԱՕԿ նախագահ / և  ճապոնացի Մորինարի Վատանաբեն / մարմնամարզության միջազգային ֆեդերացիայի նախագահ /: