<< Փարիզ – 2024 >>  խաղերի համար ընտրված 45 հազար կամավորականների համար Սեն Դենիում կազմակերպվել է տոնական միջոցառում: Ներկաները  հնարավորություն են  ունեցել  ուսումնասիրել խաղերի որոշ մանրամասներ:

Տեղի է  ունեցել  նաև կամավորականների  համազգեստի շնորհանդեսը:  Այն մշակվել է ֆրանսիական DECATHLON ընկերության հետ, որը   Փարիզի  խաղերի պաշտոնական գործընկերներից մեկն է:  

Միջոցառումներին  մասնակցել է նաև << Փարիզ - 2024 >> - ի նախագահ Թոնի Էստանգեն: Նա  ներկայացրել է մեդալները, ջահը, թալիսմանները և տոնակատարությունների ծրագիրը:

Մեկ տարուց ավելի է պահանջվել  համազգեստի յուրաքանչյուր կտոր մշակելու և նախագծելու համար, որը հարմարեցվել  է բոլոր առաքելություններին, իրավիճակներին, եղանակային  պայմաններին և այլն:  

Հագուստը շատ հարմարավետ է, նորաձև ու ֆունկցիոնալ, բաղկացած է 15 կտորից. հագուստ, կոշիկ,  պայուսակներ ներառյալ այն  մարզաշապիկը, որը ֆրանսիական նորաձևությունը  խորհրդանշող  նավաստու գծավոր  վերնաշապիկ է:

Կամավորականների համազգեստը կարևոր տարր է, որը թույլ կտա  ճանաչել նրանց՝ հանդիսատեսից մինչև հավատարմագրված պաշտոնյաներ: Առաջիկայում  նրանք կսկսեն իրենց առցանց ուսուցումը:

Կազմկոմիտեն հայտնել է, որ իրենք ստացել են ավելի քան 300,000 կամավորականների հայտ: Ընտրված 45000 կամավորականների ավելի քան հինգ տոկոսը հաշմանդամություն ունեցող անձինք են, իսկ 20 տոկոսը՝ արտերկրից:

33 –րդ ամառային օլիմպիական խաղերի մեկնարկին մնացել է 122 օր: