Այսօր լուսադեմին Թբիլիսի ՝ ուսումնամարզական հավաքի  մեկնեցին Հայաստանի սպորտային մարմնամարզության տղամարդկանց  16 հոգանոց ազգային և երիտասարդական հավաքականները:

Գլխավոր մարզիչ Հակոբ Սերոբյանը իր ևս երեք գործընկերների  օգնությամբ տղաներին կնախապատրաստի առաջիկա ստուգատեսներին:

Փետրվարի 13 –ին  Հարություն Մերդինյան, Արթուր Դավթյան, Վահագն Դավթյան, Արթուր Ավետիսյան և Գագիկ Խաչիկյան  առաջատար հնգյակը  կմեկնի Եգիպտոսի Կահիրե և կմասնակցի աշխարհի գավաթի խաղարկության առաջին փուլին: Մրցավարտից  հետո նրանք կուղևորվեն Գերմանիայի Կոտբուս քաղաք, որտեղ  փետրվարի  20 –ին կտրվի նույն մրցաշարի երկրորդ փուլի մեկնարկը:

Նշենք, որ մրցումները վարկանիշային են  և մրցանակները կխաղարկվեն առանձին գործիքներից:

Հիշեցնենք, որ նշած հնգյակից աշխարհի չեմպիոն Արթուր Դավթյանը դեռևս անցյալ տարի է արժանացել Փարիզի օլիմպիական խաղերում հանդես գալու ուղեգրի: