Մեքսիկայի Գվադալահարա քաղաքում ՀՀ  հավաքականը << ոսկե վերջաբանով >> ավարտեց իր մրցելույթը աշխարհի ծանրամարտի երիտասարդական առաջնությունը:  

Եվրոպայի այս տարվա մեծահասակների չեմպիոն Գարիկ Կարապետյանը  / 102 կգ /  պոկեց 175 կգ, հրեց 203 կգ, երկամարտի 378 կգ արդյունքով գրավեց առաջին տեղը, պարգևատրվեց ոսկե մեդալով և աշխարհի երիտասարդական առաջնություններում երրորդ անգամ նվաճեց չեմպիոնի կոչումը:

Գյումրեցի շնորհալի ծանրորդը պարապում է իր հայրիկի՝ Եվրոպայի և աշխարհի առաջնությունների բազմակի մրցանակակիր Ալեքսան Կարապետյանի գլխավորությամբ: Ավելին, նա զարգացնում է հայրիկի նվաճումները:

Ավարտվող մրցաշրջանում Հայաստանի տարիքային տարբեր խմբեր ներկայացնող ծանրորդները միջազգային ասպարեզներում նվաճեցին ոսկե, արծաթե, բրոնզե 146 մեդալ, որը  ռեկորդային ցուցանիշ է և  39 –ով ավելի է նախորդ տարվա համեմատ:

Մարզասերների անունից շնորհավորում ենք մեր հերկուլեսներին, նրանց անձնական և հավաքականների մարզիչներին, հանրապետական ֆեդերացիային ու համապատասխան մյուս կազմակերպություններին: