Նորվեգական Ֆորդե քաղաքում շարունակվող ծանրամարտի Եվրոպայի առաջնությունում Հայաստանի ներկայացուցիչ Վանիկ Ավետիսյանը դարձավ փոքր բրոնզե մեդալակիր, իսկ Ռոստամ Կարապետյանը՝ 11-րդ տեղում է:

Տղամարդկանց 69 կգ քաշային ծանրորդների պայքարին մասնակցում էին 11 մարզիկ՝ Հայաստանից, Բուլղարիայից, Գերմանիայից, Թուրքիայից, Բելառուսից, Ալբանիայից, Ֆրանսիայից և Ռուսաստանից:

Հայաստանի ներկայացուցիչներից Վանիկ Ավետիսյանին պոկում վարժության ժամանակ միայն երրորդ մոտեցմամբ հաջողվեց բարձրացրնել 137 կգ կշռող ծանրաձողը և առաջին վարժությունից հետո 9-րդ տեղում էր: Ռոստամ Կարապետյանը պոկեց 136 կգ և 12-րդ հորիզոնականում էր:

Հրում վարժության ժամանակ Ավետիսյանը բարձրացրեց 175 կգ և դարձավ փոքր բրոնզե մեդալակիր, իսկ Կարապետյանը բարձրացրեց 160 կգ:

Երկամարտի 312 կգ արդյունքով Ավետիսյանը 5-րդ տեղում է, իսկ Կարապետյանը 293 կգ-ով` 11-րդ:

Ապրիլի 13-ին պայքարի մեջ կմտնեն Հայաստանի 4 ներկայացուցիչ: C ենթախմբում կմրցի 85 կգ քաշային Առաքել Միրզոյանը: Կանանց 63 կգ քաշային կարգում A ենթախմբում մեդալի համար կպայքարի Քրիստինե Պետրոսյանը, իսկ 77 կգ քաշային կարգում Հայաստանի երկու ներկայացուցիչները՝ Տիգրան Մարտիրոսյանը և Անդրանիկ Կարապետյանը:

Լուսանկարներն՝ այստեղ

Նորվեգիա, Ֆորդե

ՀԱՕԿ լրատվության բաժին