ՀԱՆԴԵՍ ԿԳԱ ՆՈՐ ԱԿՈՒՄԲՈՒՄ
ՀԲՖ –ն հայտնում է, որ Հայաստանի ազգային հավաքականի առաջատար Անդրե Սպայթ-Մկրտչյանը նոր ակումբ ունի:
Հայազգի խաղացողը պայմանագիր է կնքել արգենտինական «Օբրաս Սանիտարիաս» ակումբի հետ։
Մինչև այս, նա ելույթ էր ունենում «ԱԼՄ Էվրյո Բասկետ» ակումբում, որը հանդես էր գալիս Ֆրանսիայի երկրորդ դիվիզիոնում:
Մկրտչյանի ծառայություններով հետաքրքրված էին ինչպես արգենտինական, այնպես էլ ֆրանսիական, իսպանական և վենեսուելական ակումբներ։
«Օբրասի»-ի գլխավոր մարզիչը Փիթ Դոմինգեսն է, ով նաև հանդիսանում է Հայաստանի հավաքականի գլխավոր մարզչի օգնականը։
«Օբրաս»-ը բավականին հայտնի ակումբ է Արգենտինայում, այն հարավամերիկյան բասկետբոլային չորս ակումբներից մեկն է, որը նվաճել է ՖԻԲԱ-ի միջմայրցամաքային գավաթի տիտղոսը:
Հիշեցնենք, որ Անդրե Սպայթ-Մկրտչյանը Հայաստանի հավաքականի կազմում երկու անգամ դարձել է Եվրոպայի փոքր երկրների չեմպիոն։
