ԱՌԱՋԱԴԻՄԵԼՈՒ ՆԱԽԱԴՐՅԱԼՆԵՐ ԿԱՆ

11:57 - 08 Փետ, 2023

Հայաստանում  մասսայականություն է վայելում  թաեքվոնդո մարզաձևը: Հանրապետական ֆեդերացիայի նախագահ  Վարդան Ղահրամանյանը ասաց, որ մարզաձևը գրանցում  ունի  Շիրակի, Գեղարքունիքի, Կոտայքի, Արմավիրի, Արագածոտնի, Տավուշի, Սյունիքի մարզերի բազմաթիվ բնակավայրերում, իսկ Երևանում  մարզվողների թիվը գերազանցում է հազարը: Երկրում ավելի քան երկու հազար պարապողների  վարպետության դասեր են տալիս 40 մարզիչներ:

Ուսումնամարզական հավաքներ և մրցումներ նույնպես նախատեսված են ընթացիկ մրցաշրջանում: Առաջիկայում  մեր  պատվիրակները Թեհրանում կմասնակցեն  << Արևածագի 10 օր  >>  անվանումով միջազգային ավանդական մրցաշարին:

Մայրաքաղաքի Օլիմպավանում  նախատեսված են մեր հավաքականների համատեղ  մարզումները ԱՄՆ –ի, Լիտվայի, Խորվաթիայի, Բուլղարիայի ներկայացուցիչների հետ:

Հայաստանի թիմերը կմասնակցեն Հունգարիայում, Բուլղարիայում և Բոսնիա Հերցեգովինայում անցկացվելիք Եվրոպայի պատանեկան և երիտասարդական և մինչև 21 տարեկանների  առաջնություններին: Ինչ վերաբերում է Փարիզի օլիմպիական խաղերին, ապա այդ մասին սպառիչ պատասխան կտան եկող տարի, մինչ ստուգատեսի մեկնարկը կայանալիք  վարկանիշային մրցաշարերը:

Ֆեդերացիայի ղեկավարը  նաև  նշեց, որ շնորհալի երիտասարդներ կան: Ընդգծեց երևանցիներ Վալտեր Դանիելյանի, Ալեքս Մելիքյանի, Սարգիս Սարգսյանի, Մարիամ Ավետիսյանի, գյումրեցի Արտակ  Մկրտչյանի, աբովյանցի Մելինե Հովհաննիսյանի,  սևանցի Դավիթ Թորոսյանի և էլի մի քանիսի անունները: Վարպետության առումով լուրջ խթան կհանդիսանան   Միլանում, Նալչիկում, արտասահամյան ևս մի քանի քաղաքներում նախատեսված միջազգային մրցաշարերը:

Այլ նորություններ