Հայաստանի բասկետբոլի ֆեդերացիան հրավիրել է նախագահության հերթական նիստը: Աշխատանքը ղեկավարել է կազմակերպության  նախագահ Հրաչյա Ռոստոմյանը:

Նիստում որոշվել է հաջորդ տարի մասնակցել Մ16 և Մ18 տարեկան տղաների և աղջիկների Եվրոպայի C դիվիզոնի առաջնություններին: Որոշում է կայացվել նաև հայտ ներկայացնել Մ18 տարեկան աղջիկների Եվրոպայի C դիվիզիոնի առաջնությունը Հայաստանում անցկացնելու համար:

Հիշեցնենք, որ 2022 թվականին տղաների և աղջիկների մինչև 16 տարեկանների  Հայաստանի հավաքականները դարձել են Եվրոպայի առաջնության C դիվիզիոնի փոխչեմպիոններ:

Այս մասին տեղեկությունը հայտնում է ՀԲՖ –ն: