ՀԵՏԱՁԳՈՒՄԻՑ ՀԵՏՈ

11:47 - 18 Հոկ, 2022

Դաքարում  տեղի է ունեցել այնտեղ  2026թ. կայանալիք   պատանեկան օլիմպիական  չորրորդ խաղերի համակարգող հանձնաժողովի  հերթական նիստը:  

Ներկաները խոսել են  ծրագրերի, նախապատրաստական աշխատանքներին առնչվող  հարցերի / ենթակառուցվածքներ, մարքեթինգ և գործընկերային գործունեություն, ռազմավարական պլանավորում,  մշակութային ծրագրեր / մասին:

Պատանեկան օլիմպիական խաղերը նախատեսված էր անցկացնել  2022թ.:  Սակայն COVID-19  համաճարակի պատճառով այն հետաձգվեց :

Կազմկոմիտեն  վստահեցնում է, որ պատանեկան  համաշխարհային  մարզահանդեսը  սպորտի և մշակույթի տոն կհանդիսանա:  

Մինչ  խաղերի մեկնարկը կիրականացվի  կրթական ծրագիր, որը կենտրոնացած  կլինի  օլիմպիական արժեքների վրա:  Նպատակն է մինչև 2026թ.  ծրագրում ընդգրկել  900,000 երեխաների:   Նրանք հնարավորություն կունենան մասնակցել  դասընթացների և համալրել  ստուգատեսի կամավորականների շարքը:

Ուշագրավ է  «Օլիմպիական հմտություններ երեխաների համար» նախաձեռնությունը,  իսկ համազգային նախագծով  6 -  18 տարեկան երեխաները կկարողանան  իրենց ուժերը  փորձել տարբեր մարզաձևերում:  

Ֆիթնես ծրագիրը նպատակ ունի  նպաստել  մարդկանց առողջությանն  ու բարեկեցությանը: 

Դաքարի խաղերին կմասնակցեն  աշխարհի շուրջ  5000  երիտասարդ մարզիկ – մարզուհիներ: Նրանք հանդես կգան 35 մարզաձևերում:  

Կազմկոմիտեն կշարունակի  համագործակցել  միջազգային  մարզական  ֆեդերացիաների հետ՝   հետաքրքիր ու բովանդակալից  միջոցառում  իրականացնելու համար:

 

Այլ նորություններ