2021թ. Տոկիոյում կայացած  օլիմպիական և պարալիմպիկ խաղերի կազմակերպիչները հրապարակել են միջոցառման ծախսերի զեկույցը: Համաշխարհային այդ մարզահանդեսի համար ծախսվել է  1,423 տրիլիոն իեն (մոտ 10,5 միլիարդ դոլար):

2020թ.  դեկտեմբերին կազմակերպիչները ակնկալում էին մրցումների կազմակերպման համար հատկացնել  1,644 տրիլիոն իեն (մոտ 12,1 միլիարդ դոլար): 

Ստուգատեսի կազմակերպիչներին  հաջողվել է  նվազեցնել ծախսերը, քանզի  համավարակի պատճառով մրցումների մեծ մասն անցկացվել է    առանց հանդիսականի: Բացի այդ,  կրճատվել է  թեստավորման, անվտանգության և նյութատեխնիկական ապահովման համար նախատեսված ֆինանսի չափը: